Shillong, Jymmang 14: Ka tnum jong ka iing skul hapoh jong ka shnong Hyngkarai kala hap mynta la saw bnai ei ei hynrei haduh mynta na ka liang jong ki bor sorkar kim shym la tap ia ka tnum jong kane ka iing skul ha kaba ki khynnah skul jong kane ka shnong ki leit ban pule.
U Bah M S Lhuid, Deputy Commissioner jong ka East Jiantia Hills District haba kren ha u SP News Agency u la iathuh ba ka tnum jong kane ka iing skul dei ba kala shah rat ha ka lyer bad na ka liang jong ka ophis kala ia pynbeit bad ka shnong ban pynlong ia ka skul shipor ha kawei ka jaka haduh ban da ioh ban tap ia kane ka iing skul.
Na ka liang jong u Deputy Commissioner u la iathuh shuh shuh ba ka ophis kala dep ban phah ia ki jingthoh baroh sha ka tnad Revenue Department na ka bynta ba kan pynlait ia kane ka pisa ban ioh tap biang ia kane ka iing skul khnang ban ioh ban pynlong skul biang ha kane ka iing skul.
Na ka liang jong ka ophis ka dang iai bud dien ia kane ka kam bad ka revenue department bad mar ia ioh ia ka pisa na ka tei ka tand sorkar kin sa shna noh ia kane ka tnum jong kane ka iing skul. Ka kam kaba sah mynta ka dei hapoh jong ka revenue department ban pynlait iaka pisa.
Haba ia kren bad ki katto katne ngut ki briew na katei ka thain kila pynpaw ia ka jingsngewsih ba ka sorkar kala leh bein ia kane ka skul tang ban tap ia ka tnud jong ka iing skul mynta la saw bnai ei ei kala sah teng kane ka la pynthud ia ka jingpule jong ki khynnah skul ha kane ka shnong kaba don ha khappud bad ka Bangladesh.
