Shillong, Nailar 21: Ki pulit jong ka Pynursla police station mynta ki dang thwet ia ki saw ngut ki briew kiba la shah kynnoh ba ki la leh ia ka kam beijot ia kawei ka khynnah skul ha jan lum jingtep ha ka shnong Pynursla ha kine ki khyndait sngi.
Kane ka khynnah kaba shah leh beijot ha kine ki riew sniew ka dei na ki shnong ba marjan bad ka pynurlsa. Na ka liang jong ki pulit kila register ia kane ka case bad ka jingtohkit ka dang iaid bad na ka liang jong ki pulit ruh ki dang thwet ia kine ki riew sniew kiba la leh ia kane ka kam jaob jabian.
Na ka liang jong u Officer In-Charge jong ka Pynurlsa police station u la iathuh ba na ka liang jong ki pulit ki dang thwet ia kine ki riew sniew bad mynta kila dang lap ksai shuh shuh ha kaba ia dei bad kane ka jingjia bad ki riew sniew kin nym lait na ka kti jong ka ain.
