Shillong, Nailur 01: Ka seng Federation of Khasi Jaintia Garo People (FKJGP) Mawlai Circle mynta ka sngi ka leit leit ban ai da ka jingthoh sha u assistant branch manager jong ka United Bank of India (UBI) ba dei ban wengnoh ia u Branch Mananger jong kane ka bnak kaba don ha Mawlai. Ka seng kala phah ruh ka jingthoh sha u Assistant General Manager bad Chief Regional Manager ba don ha Guwahati.
Haba kren ha ki nongthoh khubor ha dien ba la dep ban ai ia kane ka jingthoh ka jong ki u Bah Marbud Dkhar, president ka seng u la ong ba kila kyrpad ia u ssistant branch manager ka UBI u M. M Goswamie ban weng noh ia u, Manish Ojha branch manager ba mynta jong ka Mawlai Branch.
Ka jingkwah jong ki ban wengnoh ia u ka long b aka Malwi bun na ki nongshong shnong ki dei ki khasi, ym kum kiwei ki jaka ba ia shong khleh. Na ka liang jong u Goswamie u la ong ba un sa ia kren bad ki bor ba halor ha kaba ia dei bad kane ka kam. Naka liang jong ka seng kala ai por khatsan sngi ban weng ia une u branch manager na katei ka tand.
Namar ka jingbym ia sngewthuh ia ka ktien kala buh ia ka jingeh ia ki paidbah ha ka jingdon kam kaba man ka sngi, ka seng kam don ei ei pyrshah ia u hynrei na ka bynta ka jingsuk jong ki paidbah kiba leit ban don kam man ka sngi.
