Shillong, Iaiong 23: Ka Hynniewtrep Achik National Movement (HANM) Women Wings ka la ioh ia ka jingujor na ki paidbah ka Nongstoiñ bad Mairang ba ka sorkar ka la bthah ia ki trai dukan ki dei ban registar ia ki dukan ia kane ka jingleit registar la ngat haduh ki nongdie madan.
Haba ia kren bad ki lad pathai khubor ka Kong Bity Jyrwa kaba long ka president ka HANM Women Wings ka la ong,ki paidbah ki la ioh ia ki notice na ka sorkar ha ka 12.03.2014 bad baroh ki trai dukan ki dei ban pyndep ia kane ka jingregistar hapoh ka arphew sngi bad kane ka jingai por jong ka sorkar ka long ka por ba lyngkot palat.
Ha kane ka sngi na ka liang jong ki Women Wings ki la leit ban ia kynduh ia ka kong Ampareen kaba dei ka minister jong ka Labour pynban kane ka minister ka la kyntait ban ia kren halor kane ka kam bad ka la phah ban ia kren bad u Principal Secretary Labour Department u M R Roa.,
Haba ia kren bad une u ophisar ka la kylla pynban kumwei ha kaba na ka liang jong u,ula ong,ba ka jingthmu jong ka sorkar ban phah registar ia ki dukan ka long ban lap ia ka jingdon jong ki khynnah kiba trei ha ki dukan hynrei kat kum ka jingujor ba ka HANM ka la ioh na ki paidbah ka long ba ki dukan ki dei ban leit registar ia ki dukan ym na ka bynta ban register ia ki nongtrei.
Kumta na ka liang ka seng ka dawa na ka sorkar ba ka dei ban ai jingpynshai sha ki paidbah lyngba ki kot khubor ha kaba ia dei bad kane ka kam ba ki paidbah ki dei ban registar ia ki dukan ne registar ia ki briew lym da kumta ka seng kan pyrshah ia ki briew ban kin leit registar ia ki dukan.(SP News)
