Shillong, Rymphang 04: Mynta ka sngi ka seng kynthei na ka HNYF kala leit ban ai da ka jingthoh sha u Managing Director jong ka Meghalaya Transport Corporation bad ha ka jingthoh kila dawa ban weng kam mar dor ia kito kiba la shong thait ia kiba la thung biang ha ka kam.
Ka kong B.T Jyrwa President ka seng kynthei jong ka HNYF kala ong ba bun bah ki samla kiba khlem kam balei ym khot da ka aplikoshon ban thungkam balei ban thung kam biang ia kiba la shong thait, na ka liang ka seng kan nymshong kli kti halor kane.
La ong ba ki nongtrei ka MTC kila phah da ka jingthoh sha ki bor ba pyniaid ia ka MTC hynrei ym don ba sngap ia ka jingdawa ka jong ki, kum ka seng ka dawa ba dei ban weng kam mardor ia kito kiba la shong thiat ia kiba la thung biang ia ki.
Ha ka juh ka por na ka liang jong ka seng HNYF ka buh ka jingkylli balei ia ki nongtrei kiba juh don kumba shihajar ngut mynta la pynhiar sha ka 150 ngut, lada ki wei ki Coporation ha kiwei ki jylla ki kiew balei ha kane ka jylla Meghalaya ka MTC ka hiar arsut, balei ia ki kam balait khlem khot aplikoshon.
