Shillong, Risaw 04: Ka seng Meghalaya Elementary Pre-Service Trained Teachers Association (MEPSTTA) mynta ka sngi kila leit ban ia kynduh ia ka myntri pule ptuhi jong ka jylla kaba dei peit ia ki skul rit ban dawa na ka sorkar ba ka dei ban thung kam noh ia ki nonghikai kiba la pyndep ia ki training kumba la phah da ka sorkar.
U Bah R Thongni general secretary jong ka seng haba kren ha ki nongthoh khubor ha dienba la dep ban ia kynduh ia ka myntri pule puthi jong ka jylla, u la ong b aka sorkar mynta kala thung kam tang 20% na ki nonghikai kiba la dep ban ioh jinghikai kiba dang sah ki long kumba 80%. Kine ki nonghikai kiba khlem pat ioh kam haduh mynta ka long ba ki la pyndep ia ka Diploma ha ka Elementary Education na ki jaka hikai jong ka sorkar.
Dei ka sorkar kaba la jied ia ki bad ka sorkar kala siew ruh iaka pisa san hajar tyngka marwei ha ka por ba ki don ha ka jingshah hikai na ka bynta ar snem, kane ka jingwan ia kynduh jong ki ia ka myntri ka long ban kyntu ia ka sorkar b aka dei ban ai noh ia ka shithi thungkam ha ki kam hikai kumba ki la pyndep ia ka training.
La pynsngew sha ka myntri ba kila dep ban ai ia ki jingthoh sha ka sorkar ha kine kip or kiba la leit noh hynrei na ka liang jong ka sorkar ha duh mynta kam pat leh ei ei , kila kyrpad ia ka myntri ba ka dei ban shim khia lem ia kane ka kam ba kin ioh noh ia ka kam hikai kumba kila shah jied ha ka sorkar ban pyndep ia ka training.
