Shillong, Naitung 16: Mynta ka sngi ka National Student’s Union of India, jong ka Meghalaya State Unit kala phah da ka dorkhas sha u myntri ba dei peit ia ka tnad pule puthi jong ka jylla u bah Lahkmen Rymbui ban dawa ba ka sorkar kam dei ban pynlong ia ki eksamin Online ha ka jylla.
Ha ka dorkhas ka NSUI kala ong ba ha kane ka jingdon kane ka khlam, ki paidbah ki don ha pdeng ka jingeh kaba khraw, don kiba khlem ioh wat ia ka bam ruh bad ka jingim kan long shuh kum ba juh long baroh shikatta.
Ha kane ka por mynta wat ki khynnah pule ruh ki ia kynduh la ki jong ki jingeh da kane ka rukom hikai online khnang ba ki khynnah skul kin iaid sha khmat ha ka jingpule jong, hynrei ka long ka bym shong nia pat ban shu pyniahap kyrdan lang ia baroh ki khynnah skul namar bun na ki khynnah kim don ia ka lat kumba long lem kiwei pat.
Ki jaka sor lah ban leh ia kane ka online Class hynrei na ka bynta kito kiba don sha ki nongkyndong pat ki bym lah ban ioh wat tang ia ka Internet ruh, lada pynlong eksam ki khynnah ki hap ban thied ia ki Gadgets kiba thymmai ha kaba bun kin nym ioh lat, kin bas ia ka iing ne kin thied ia kine ki jingdon kam.
Hooid ka jingphah thoh ia ki khynnah ka long kaba biang eh hynrei kam dei kaba suk ia ki khynnah ban thoh haba kim ioh ia ki jinghikai kiba biang kum ka NSUI ka pyrshah jur lada pynlong ia ka eksamin da ka online, katkum ka jingbthah jong ka UGC ka long ba ia ki eksam dei ban pynlong ha dien u Nailur.
Na ka liang jong ka NSUI ka kyntu ia ka sorkar ba kan wan rah ia ki polisi trei kam khnang ban lah ban weng ia ka jingeh hapdeng ki ba don bad ki bym don ha kane ka jylla Meghalaya. Kane ka long katkum ka kyrwoh kaba la phah da u Bah Bansharailang Pyngrope President bad u bah Mewan P Pariat  General secretary jong ka NSUI Meghalaya State Unit.
