Shillong, Nailur 03: Ki spah ngut ki trai shnong jong ka jylla Tripura kiba shong ba sah ha kane ka jylla Meghalaya mynta ka sngi kila pynlong ia ka jingiaid paidbah ha kane ka nongbah Shillong ban pynpaw ia ka jingpyrshah halor ka jingiaumsnam ia kaba la jia haka 23 tarik jong u bnai ba la dep ha ka nongbah Agartala.
Haba kren ha ki nongthoh khubor ha dien ba la wai ka jingiaid paidbah kaba la sdang na Madan Iewrynhep jong ka Laitumkhrah ha kaba la pynkut ha Khyndailad, u nongialam kane ka kynhun u Denzil, u la ong ba ki dawa na ka tand kam poh iing jong ka sorkar pdeng ba ka dei ban thing ia ka kynhun tohkit ka ban tohkit da ka CBI ban tohkit halor katei ka jingjia ha Agartala.
“ Ngimkwah b aka sorkar jylla kan tohkit, dei ban tohkit da ka sorkar pdeng, ngi dawa b aka sorkar pdeng lane ka sorkar jylla ka dei ban siew ia kabai lutksan, namar haduh mynta kam pat don kano kano ka jingiarap ia kiba mynsaw” ong u Denzil Kalai.
Haba ia dei bad kane ka jingjia ki trai shnong jong ka jylla Tripura kila phah ia ki jongthoh sha ka sorkar pdeng bad sha ki seng sain pyrthei ba kin iarap lem ia kane ka jingeh ka jong ki, hynrei kumba ka long haduh mynta kam pat don kano kano ka seng kaban wan sha khmat ban iarap ia ki.
Haba jubab ia ki jingkylli, u Denzil u la ong ba, ka jingeh jong ki trai shnong jong ka jylla Tripura kan long ka jingeh jong ki jylla ka dong shatei lam mih ngi jong ka Ri India, na ka daw jong ka jingwan rung kyrthep jong ki briew na ka Ri Bangladesh.
Ki trai shnong jong jylla Tripura, ki dawa ia ka Tripura Land, khlem da phiah ia ka jylla. Kaei kaba ki kwah ka long ba kaei ka bor b aka sorkar jylla ka don ka Tripura Land ruh ka dei ban ioh ia ka juh ka por ban iada ia ki trai shnong ban ioh ia ka juh ka hok.
