Shillong, Kyllalyngkot 06: Ka jingpaw pyrthei ka jing don kti jong u MLA ka Mawhati ha ki kam batbor ka long ka jingpynjah burom ia ka Dorbar thaw ain jong ka jylla. Ka seng ka ai ka jingiaroh ia ka Chairperson jong SCPCR bad ruh ngi kyrmen ba ki pulit kin ioh kem noh mardor ia u ne u non pynkhien ain.
Na ka por sha ka pork um ka seng kila ju dawa ia ka fast track court na ka bynta ki kam batbor, ki kyrmen ba ka ain kan kloi bad stet ban pynshitom ia u ne u MLA khnang ba kan long ka nuksa ia ki ba bun.
Bad U ne u MLA u dei ban duh shi syndon ia ka jinglong MLA jong u hadien ba la rai pynshitom ia u da ka ain. Ka iing kashari ba ha khlieh duh ka la pynduh noh ia ka section 8(4) jong ka representation of people act ka ba ai jingiada ia ki MLA ki ba la shah rai pynrem ha ka court.
Ha ka kyrwoh u Bah Thomas Passah u la ong ba ka rai jong ka supreme court, u MLA u la shah rai pynrem haka court u dei ban shah pynduh mardor na ka jing long MLA. Ka KHNAM SYW ka sngewdei ban pynkloi bad pynstet ia ka jingtohkit bad ia ka rai khnang ban lah ban disqualify mardor ia une u nongpynkhien ain.
Ka jingkiew stet ki kam batbor thombor ha ka jylla baroh kawei kadei kaba la ishyrkhei shi katdei bad kadei ka por ba u paidbah un ia snoh kti Lang ban pynduh jait ia kum kine ki kam. Ban shu pynrem tang na iing kam lah ban wanrah ia ka jingshngain ia ki kynthei ki khyllung khynnah, ka seng ka kyntu jur ia baroh u paidbah bad ia ki seng bapher bapher ban ia mih ryntih ha ka rally bala pynbeit daka CSWO haka 11 tarik mynta u bnai.
