Shillong, Jymmang 03: U lat jong ka jylla Meghalaya Governor U,V Shanmuganathan, u la ai ka jingïaroh ia ki phadar bad ki siter jong ka Ferrando Speech and Hearing Centre, ia ka jingtrei shitom ka jong ki ha kaba plie ia ka jaka ai jinghikai ia computer ia ki kynnah kiba don ia ka jingduna ha ki dkhot met kaba don ha ka shnong Umniuh-Khwan, hapoh jong ka Ri-Bhoi District.
Naka liang jong u la Lat ka jylla u la ong ba dei ban ai bor ia ki khynnah kiba don ia ki jingduna ha ki dkhot met lyngba kane ka jinghikai computer bad ka jingtip ha kaba ia dei bad ki kor computer ka long kaba don kam.
U Lat ka jylla u kyntu ia ka CBM bad ia ka Ferrando Speech and Hearing Centre ba ki dei ban trei shitom ban pynlong ia kane ka jaka kawei na ki sglem jong ka jingnang jingstad ia ki briew jong kane ka dong shatei lam mih ngi baroh kawei.
Ia kane ka jaka ai jinghikai computer la kyrshan da ka CBM India Trust da ka jingiatrei lang bad ka Ferrando Speech and Hearing Centre. U Programme officers jong ka CBM u Kumar Ratan , Darwin Moses bad ka nongpeit ia kane ka Ferrando Speech and Hearing Centre ka Sisters Maya bad kiwei kiwei ruh ki la ia don lang ha kane ka sngi. kane ka jaka ai jinghikai mynta ka don haduh 190 ngut ki khynnah.
