Shillong, Nailar 12: U Additional Chief Secretary kajylla Meghalaya u Dr. Shreeranjan u la ong ba namar ka jingduna palat ki doctor la don kam ban pynshlur ia ki nongai dawai khasi namar ha ki nongkyndong dei lyngba jong ki ba ki briew ki ioh ia ki jingsumar shuwa ba kin kit ia ki nongpang sha ki jaka sumar. Ha ki nongkyndong ki long shisha ki nongda ia ka jingim briew.
Haba plié ia ka jingiakynduh lang jong ki nongai dawai kynbat kaba shi sngi mynta ka sngi ha Upper Shillong ia kab ala pynlong da ka da Bio- Resources Development Centre (BRDC) ryngkat ka jingiatrei lang jong ka Santhigiri Ashram, Kerela lem bad ka Basin Development and Livelihood Promotion Programme (IBDLP).
Ban pynshulur ia kane ka jingai dawai kynbat don kam ruh ban don ka jingiadei kaba jan bad ka sorkar ban peit bad ban sdangnoh ban buh ia ki jingthoh ia ki kynbat kiba la lah ban shna dawai ha kaba ki pateng ban wan kin ioh ia ka jinghikai pateng, kumba ka long mynta kala shu kut noh tang ha ka shipateng.
Ki nongai dawai kynbat kiba la ia poi sha kane ka jingiakynduh lang ki long na baroh saw dong jong ka jylla Meghalayam kyntup ia ki kynthei bad ki shynrang. Kane ka jingiakynduh ka long ba kumno ban ai lad ia ki ba kin ia kynduh bad ki briew kiba la pyntbit kyrpang ia lade ha kane ka kam ba kine ki nongai dawai kynbat kin ioh ia mir jingmut lang.
Ha kane ka jingiakynduh la ia kren ba kumno ban leh ha kaba pynbha ha kaba shna ia kine ki dawai bad ban khanglad ia ki briew ba kin shu kam nongkynti ia ka jingstad kaba ki briew jongkane ka jylla ha kane ka kam ai dawai kaba la iaid pateng pateng la bun bun spah snem.
Kiwei ki heh sorkar kiba la ia shim bynta ha kane ka jingiamir jingmut kiba la kren mait phang ki long u R.M. Mishra, Principal Secretary, Planning, U bah K.W. Marbaniang, Secretary, Health bad Family Welfare, Dr. B. D. R. Tiwari, Secretary, Planning bad Member Secretary, BRDC, Dr. P. K. Goswami, Director, NEIAH, Shillong, Swami Padmaprakasha, ba deipeit ia ka Santhigiri Ashram, New Delhi and Member National Medical & Wellness Tourism Board, New Delhi lem bad kiwei kiwei ki heh sorkar.
