Shillong, Jymmang 13: Ha kine ki sngi kila don ar tylli ki jingjia kaba sngewsih ha kaba kawei ka khynnah kaba dang 16 snem kala jah na la iing bad kawei ka samla kaba dang 19 snem la suba ba kala shah pyniap ha ki riew kiba ym lah ban tip.
Kawei ka long kmie kala ujor sha ki pulit jong ka South West Garo Hills District ba ka khun jong ka kaba dang 16 snem ka rata kala jah na iing jong ka naduh ka 11 tarik mynta u bnai na ka shnong Modokpara kaba hap hapoh jong ka Mahendraganj police station. La suba ba kane ka khun jong ka kala shah rah bor ha ki briew kiba ym lah ban tip.
Ha kawei pat ka jingjia u Mohan Poon u la ai ka jingujor sha ki pulit jong ka nongbah Shillong ba ha ka 7 tarik mynta u bnai ka khun jong u kaba dang 19 snem la lap ba kala iap ha u tyllai phasi ha iing sah jong ka ka ha Air Force ha Laitkor Peak kaba hap hapoh jong ka East Khasi Hills District, ha kane ka jingujor sha ki pulit la ong ba la suba kane ka samla kaba la 19 snem kala shah pyniap ha ki briew kiba ym lah ban tip.
