Shillong, Lber 23: Ka tnad pulit kala pyntip kila ioh ban kem ia ki ar ngut ki briew kiba la shah kynnoh ba ki don kti ban lute ia ka Mawkhanu petrol Pump bad siat pynmynsaw ia ki ar ngut ki nongtrei bad ha dien kata kila iohban rah ia ka pisa kaba T. 2 lak tyngka na katei ka jaka ia kiba mynsaw la rah sha NEIGRHIMS ban ioh jingsumar ha u snem 19/11/2021.
Ki nonglute haba kila dep ban thombor ia kane ka jaka petrol pump kila phet noh na kane ka jaka bad ki trai katei ka petrol pump kila ujor sha Diengpasoh Police Station bad la pynngat ha ki kyndon ai bapher bapher ia ki nonglute bad ka jingtoh kit ka dang iaid.
Ha kane ka jingbud dien jong ki pulit ha ka 7/3/2022 ki pulit kila ioh ban kem ar ngut ki briew kiba la suba ba kila don kti ha katei ka jinglute, ia u Barabor Namsaw bala tip kyrteng kum u Kyrshan Makri la kem na Police Bazar bad la ioh ban kurup na u kawei ka bike kaba don ia u number AS-01BH-5342 kiba la pyndon kam ha kaba lute.
U wei pat bala shah kem dei u Bhaijan Warbah ha kaba ki pulit kila ioh ban kurup ia ka kali kaba don ia u number ML-10-C-5608 bad u Barabor Namsaw u la ioh ban phet na ka kti jong ki pulit ha ka 8/3/2022 bad ia kane ka jinglaitphet la register ia ka mujotduma ha Sardar PS.
Na ka liang jong ki pulit kims hym la shong kli kti hynrei kila thwet bad la ioh kem biang ia u Barabor na bad sa u wei u nonglut u Khraw Shylla na Nongmynsong bad ki pulit kila kynnoh ba kine kila don kti ha kiba bun ki kam lute ha Shillong.
