Shillong, Jymmang 31:ka ophis jong u Deputy Commissioner & District Registrar of Citizens Registration, West Jaintia Hills District la pyntip ba kala don kajingpynshai paidbah ha Laskein Block ha kaba da ki hajar ki paidbah kila wan ban ia shim bynta bad ban pynrung kyrteng ia la de hakine ki lai sngi.
Na ka liang jong ka ophis jong u Deputy Commisioner ynda kala dep na katei ka Block kan sa sdang ha kiwei ki block bad kum juh hapoh jong ka sor Jowai bad kane kan sdang ha ka 6 tarik jong u bnai Jylliew ha District Library Auditorium, Mynthong, Jowai.
Ban weng ia kajingsngewthuh bakla ka kynhun nap oh jong ka tand Directorate jong ka Census Operations, Shillong kaba la lam khmat da u Bah J.R Swer, Statistical Investigator yn sa pynshai paidbah ha katei ka sngi bad ia ka rukom pynrung kyrteng bad kiei ki jingmyntoi ban ioh.
Na ka liang jong ka ophis kala khot la wer ia baroh ki rangbah shnong jong ka sor Jowai , Thadlaskein, Amlarem Block ba kin ia poi ha katei ka sngi bad la khot lang ruh kum juhia ki seng bhalang ba kin ia poi khang ha katei ka sngi.
