Shillong, Naitung 27: ka Khasi Students’ Union Mawryngkneng Circle kila leit ban ia kynduh ia u Myntri Rangbah ka jylla bad ai ruh daka Dorkhas kaba kynthup san tylli ki jimg dawa ka jing dawa ba nyngkong kalong ban kyntiew kyrdan noh iaka Mawryngkneng Community bad Rural Development Block shaka Civil Sub division.
Ka Mawryngkneng Block ka kynthup ia 64 tylli ki shnong bad 3 tylli ki Constituency kata kalong ka Mawryngkneng , Mawkynrew bad Nongkrem Constituency bad ka jing don ki briew katkum ka Census u snem 2011 kala kot haduh 67,291 ngut kynthei bad shynrang bad lada kyntiew kyrdan iaka shaka Civil Sub division kan lah ban pyn janai bad ai jing shakri ba pura iaki Paidbah jong ka thaiñ.
Ka jingdawa kaba ar kalong ban kyntiew kyrdan noh Public Health Centre sha Community Health Centre, hapoh ka jingshakri jong ka PHC ladon 4 tylli ki Sub Centre kata kalong ka Sohryngkham, Umphyrnai, Mawlyngnad bad ka Kut Sub centre kaba ympat treikam haduh mynta, bad ka jing shakri ka PHC iaki Paidbah kala long kaba khia haduh katta namar ka jing don ki briew badei peit ka Mawryngkneng PHC kala kot haduh 32,541ngut.
Ka jingdawa ka long ba khnang baki paidbah kin lait ban shem jingeh ban leit shim dawai lane Hospital shaduh Shillong khamtam leilei ia kiba wan naka longiing baduk bad lada ka sorkar kan kyntiew noh iaka shaka CHC kan long ka jing kyrkhu kaba khraw ia u paidbah bad kin ioh ruh ka jing sumar kaba paka kumba ioh ha kiwei pat ki jaka sumar.
Ka KSU kala dawa ban buh College Sorkar noh ha thaiñ Mawryngkneng namar babun ki samla pule jong ka thaiñ kiwan naka longiing baduk ha kaba ki kmie ki kpa ki im da kaba bylla sngi bad shu rep shu riang, ban phah pule iaki khun sha Shillong namar ka jingrem ka Bai ïing sah wai bad ka bai Addmission kala buh jingeh iaki haduh katta katta bad lada ka sorkar kan tei noh daka College Sorkar kan long ka jingplie lad bad jing kyrkhu kaba khraw iaki samla pule khamtam ia kito bawan naka long iing baduk.
Ha kane ka jingiakynduh bad u Myntri rangbah ka seng KSU kala kyntu ruh ba ka sorkar ka dei ban pyntreikam noh iaka Arpdah Farm sniang Water supply Scheme kaba la sahkut bun bun snem haduh mynta te khnang baki paidbah ka thaiñ kin nym iai mad iaka jingkyrduh umbam um dih khamtam haka jingtyrkhong jong ka por tlang .
Ka seng kala ong ruh ia u myntri rangbah ban pynsted noh iaka jingtrei ban tei iaka Fire Service Station ha shnong Mawryngkneng khnang baki Paidbah ka thaiñ kin ioh jingïarap khamtam haba don ka jingpluh ding .
Ha kane ka jingiakynduh la ia kren ruh ba ka sorkar ka dei ban kyntiew kyrdan noh iaka Mawryngkneng Poultry and Piggery Farm shaka Training Centre khnang bakan long kum kilad ai jinghikai bad jingïarap iaki paidbah ba sngewtynnad haki kam ri jingri bad kan long ruh kum ka lad ai kam ai jam iaki samla ban seng kam lajong lyngba ka ri jing ri.
Naka liang ka seng bad u paidbah ka thaiñ ka kyrpad jur naka sorkar bad kyrmen skhem ba ki jing dawa jong ka seng kan urlong kumba ki paidbah ki donkam bad ap khmih lynti la bun bun snem.
