Shillong, Nialar 29: Kakynhun jong ka Meghalaya Democratic Alliance (MDA) mynta ka sngi kila pynlong ia ka jingleh burom ia ka jingjop ka jong ki ha kane ka elekshon shiteng samoi na ka 35-Ranikor bad 51-South Tura constituency.
Ha kane ka jingiakynduh lang la don lang baroh ki dkhot jong ka MDA bad ha kane ka jingiakynduh kila pynthymmai ia ka jingiakular jong ki ban ia treilang ha kane ka kynhun sorkar MDA.
Na ka liang jongu myntri rangbah ka jylla u Conrad K Sangma u la pynpaw ia ka jingsngewnguh ia baroh ki dkhot jong ka MDA kiba la leit sha Tura ban kanbas na ka bynta jong u ha kane ka elekshon shiteng samoi.
La ong ba ha kane ka elekshon shiteng samoi ha South Tura, u Bah Kyrmen Shylla u la kob ba u kyrtong jong ka NPP u dei ban jop don burom, u la pynpaw ia ka jingsngewnguh ia baroh ki paidbah ka South Tura kiba la ai ka jingjop ia u bad u myntri rangbah u la ong ba kane ka jingjop ka dei ka jingjop jong ka kynhun MDA.
Ha kane ka sngi u myntri rangbah u la ai ka jingkular ia ka kynhun MDA ban ia treilang na ka bynta ban kyntiew ia ka jylla Meghalaya ha baroh ki liang.
Ha kane ka jingiakynduh lang na ka liang jong ka UDP la ai jingkren da u Bah Bindo M Lanong, ha kaba u la ai ka jingkular ba na ka liang jong ka party UDP kan iai betng ia ka jingiatreilang bad sorkar MDA. Ka jingjop jong ka seng kala dang pynkhlain shuh shuh ia ka kynhun MDA.
