Shillong, Lber 14: U CEM jong ka KHADC u bah Titosstarwell Chyne la ong ba ha dien bala iohi ia ka jingkren jong u mytnri rangbah ka jylla u Conrad K Sangma hba ia dei bad ka jingpynbeit pud bad ka Assam ka KHADC kala khot ia ki san tylli ki hima ban ia kren, ka Hima Nongspung, Hima Jirang, Hima Myllien, Hima Nognlang bad Hima Jyrngam ban ia kren namar ki paidbah kila ujor ia kane ka jingiakren pynbeit pud.
Ha dien ka jingialang kitei ki hima kila phah da ka jingthoh sha ka District Council ba kim hun ia ka soskular bala ia soh ha pdeng ka jylla Meghalaya bad ka jylla Assam ha kaba ia dei bad ka jingia pynbeit pud, na ka liang jong ka Executive Committee kala khot ia kane ka jingialang ban ia kren mar khmat ha kane ka jingialang.
Ha dien ka jingiakren la shim ia ki rai, haba ia dei bad ki jaka kiba ka sorkar kala dep ban ia pynbei bad soi ia ka soskular, ha ki bynta jong ka Hima Nonglang ki don ki bynta ba ka hima kam pat hun bad ki don ruh ki shnong kiba ymshym la paw kyrteng ha ka thmu jong kane ka jingiapynbeit bad ki paidbah ki sah ha ka umdum la kin hap ha Assam ne Meghalaya.
Halor kane ka Hima Nonglang kala thoh sha KHADC ban kyrpad ba kan tuklar lem ia kane ka kam ban pyntip noh sha ka sorkar jylla, ka Hima Jyrngam ban aiti noh ia ka shnong Tutia Bazar sha Assam.
Haba poi pat sha Ri Bhoi District na ka liang jong ka Hima Mylliem kam hun satai ia kane ka jingiapynbeit la paw shai ba ka Hima Mylliem kan duh noh ia ki katta katne kibynta kiba kongsan eh jong ka Raid Marwet, kaba kynthup ia ka them raid Marwet, ka Khanapara, ka Maikuli bad ki jaka ba mar jan ba kin hap noh sha Assam.
Ka KHADC kala ioh ia ka dorkhas na ka shnong Maikuli, Raid Marwet , shnong Paham Kanshu, ki don bun tylli ki shnong kiba la phah ia ki dorkhas sha ka KHADC ba kim sngew iahap ia kane ka jingiapynbeit, ha dien bala ioh sngew ia kine kiei kiei ba kin thoh sha ka sorkar jylla ban peit bniah biang ia ka soskular haduh ban da ioh lang ia ka jingmynjur ki khlieh nongsynshar.
Kane ka rai kaba kila shim mynta ka sngi kam mut ban pynthud lane ban pynsuki ha kaba ia dei bad ka jingiapynbeit hynrei ki da angnud bad ka District Council ka kwah ban don noh ka jingpynbeit pud ban don noh ka shong suk shongsain ha ki hima kiba don ha khappud bad ka jylla Assam.
Na ka liang jong u CEM jong ka KHADC la ong ba kyrmen ba ka sorkar kan sngap ia kane katba ka tnad kam poh iing kam pat pdiang ia kane ka jingiasoi ia ka soskular , leh se katba dang don ka por, ia kane ka jingthoh kin sa phah sha kine ki sngi sah ka sorkar jylla.
Haba ia dei bad ka jingwan thung pud da ka jylla Assam, kala wanrah ia ka jingsngewlyngoh ba kumno ka sorkar Assam ka wan thung pud la shim ia ka rai ban kyntu ia ki nongshong shnong ban rat peit ia ki mawpud kiba wan thung ka Assam.
U CEM ka KHADC u la ong ba katba ym pat lah ban pynbeit pud ki paidbah ki dei ban rat, ka jingkhot ia ki khlieh nongsynshar mynta ka sngi ka long ban ia trei lang ym dei ban ia wat daw, kane kam dei ka kam jong no jong no ka dei kam jong ka jaidbynriew dei ban don ka jingkit khlieh.
Dei halor kane ba ki hima kila shim ia ka rai ban sieh noh ia la jong u pud u sam katba ka jingiapynbeit pud ka dang hapdeng ki ar tylli ki jylla, haba ia dei bad kane ka jingwan sieh mawpud ka Assam u Syiem Jirang u al dep ban thoh sha u DC jong ka Ri Bhoi naduh 5/2/22 balei u DC u sngap jar jar halor kane ka jingthoh.
