Shillong, Naiwieng 26: Ha ka miet sngi thohdieng ha ka por kumba 8.30 pm ki pulit kila ioh ia ka jingtip ba kila don ki lehnoh ha ki bynta jong ka Dawagre. Ki pulit kila hiar sha katei ka jaka bad kala mih ka jingther kuli n aka liang jong ki lehnoh ha kaba ki pulit kila pynphai kylla.
Kane ka jingiather kuli kala neh kumba khatsan minit ei ei bad ha dien ba kala kut ka jingiasiat ki pulit kila khynra ia kane ka jaka bad ki la lap ia kawei ka met iap kaba la kyllon iap bad na kane ka jaka la ioh ban kurup kawei ka suloi AK-47, kawei ka pistol 9-mm. Une u lehnoh u ba la kyllon iap ha ka jingiasait la tip kyrteng kum u Ruga ha ka kynhun jong ka GNLA.
Ki pulit mynta ka sngi kila lah ban tip ia ka kyrteng ba pura jong une u lehnoh bad ka kyrteng jong u la tip kum u Sundaybirth T Sangma. Ka khubor na ki pulit ki iathuh ba kane ka kynhun kaba la ia sait bad ki pulit ha ka miet sngi thohdieng ka dei ka kynhun kaba don ha kti ka kjat jong u Commander In Chief jong ka GNLA u Sohan D Shira.
