Shillong, Rymphang 01: Ha dien ka jingshah rah bor jong saw ngut ki riew paidbah na Kolapara hapoh jong ka South Garo Hills District ki pulit kila pynlong ia ka jingkhynra ia ki jaka ba kila suba ba ki don ki lehnoh na ka bynta ban ioh ban pynlait ia kine ki riew paidbah na kane ka jingshah rah bor.
Dei ha ka 27.01.2017 ki lehnoh kila pynlait ia u Nilip CH Momin ba dang 27 snem ka rta u ba na Williamnagar u ba dei u nongiah ia ka trok kit dewiong khlem da don kano kano ka jingdawa pisa na u, hynrei ha ka juh ka por u C-in- C jong ka ASAK u Reding T Sangma u la dawa pisa na ki trai dewiong bad la phah ia u Nikseng D Shira ban shim ia kane ka pisa u ba dei na ka shnong Gaonbari katba kiwei pat kiba shah rahbor ki dang don ha kti jong ki lehnoh.
Halor kane ki pulit jong ka Baghmara da ka jingiatreilang bad ki pulit jong ka Tura kila ioh ban kem ia u tei u dkhot jong ka ASAK na jan tura katba u dang shim ia ka pisa, dei halor ka jingioh kem ia une la lah ban pynlait im ia ki lai ngut kiwei pat kiba la shah rah bor ha ka 30.01.2017.
Ha kane ka jingkhynra ki pulit kila ioh ban kem ia u Sahid Ch Marak, 26 snem bad ia u Lamingstone CH Sangma kine baroh ar ngut ki dei na ka shnong Chigichakgre, kaba hap hapoh jong ka Chokpot Police station bad ia u Jainish R Marak, 29 snem na jong ka shnong Mindikgre kaba hap hapoh jong ka Baghmara police station baroh kid ei na South Garo Hills District. Ki pulit mynta kila dang lap ksai shuh shuh bad kin sa leh ia kaba odn kam ban khanglad ia kane ka jingshah rahbor jong ki riew paidbah.
Ha ka juh ka por mynta ka sngi ki pulit jong ka Nongalbibra kila leit ban khynra ia ka shnong Gare ‘Nawak bad la ioh ban kem ia u Herod R Marak, 32 snem u ba dei u dkhot jong ka seng GNLA, ka GNLA kala pyndon kam ia u ban shim ia ka pisa kaba kala dawa na ki riew paidbah bad dei une u briew u ba la juh ai jingtip sha ki dkhot ka GNLA ia ka iaid ka ieng jong ki pulit.