Shillong, Rymphang 26: U superintendent ki pulit jong ka West Khasi Hills District u Bah Silvestar Nongtynger , u la iathuh ba baroh kiba la khlad noh na kane ka jingleit tynrah jong ka trok ia ka kynroh rell ha Jadokroh jan Nongspung kiba la duh ei ia la jingim kila poi sha ka 17 ngut bad kiba mynsaw ki long 62 ngut.
Haba kren ha u SP News Agency u SP jong ka West Khasi Hills u Bah Nongtynger u la ong, kiba la duh ei iala ka jong ka jingim ha shen ki long 12 ngut bad 5 ngut kiwei pat kila khlad noh ynda la poi hapoh Nongstoin Civil Hospital ban ioh jingsumar. Na kine ki 17 ngut kiba khlad 9 ngut ki dei ki kynthei bad 8 ngut ki shynrang. Baroh kiba shong ha kane ka trok kaba don ia u number ML06-4474 ki long 74 ngut.
Kane ka trok kaba kit ia ki nongleit jingiaseng ka mih na ka thain Mawlangsu, Mawlum bad kine kiba la duh ei iala ka jong ka jingim ki dei na ka shnong Nginiong, Nongbudum bad Mawbyrkong, kine baroh kila mih na la ki jong ki shong da ka jingthmu ban leit ia shim bynta sha ka jingiaseng Synod samla jong ka KJP sha Nonglang kane ka jingjia ba sngewsih kala jia ha ka por kumba 8.30 baje mynstep ha khaidong Jadokroh ha jan Nongsung kaba jngai kum ba 11 Km na Nongstoin.
Kiba la khlad ha shen ki long, ki long ka samla carefully wahlang 13 snem naka ka shnong Nginiong, ka samla queentimary Nonglang 16 snem naka shnong mawbyrkong, ka samla Stralin Lyngkhoi 18 snem na ka shnong Mawbyrkong, ka samla Danisha Nonglang 21 snem na ka shnong mawbyrkong.
Ka kong Twelis lyngkhoi 50 snem na ka shnong Nginiong, ka kong Shantidora Lyngkhoi 21 snem na ka shnong Nginiong, u Bah Roster Mawtyllup 38 snem na ka shnong Nongbudum, u Bah Phlaslaibistar Paliar 30 snem na ka shnong mawbyrkong, u samla Trangborlin Nonglang 14 snem na ka shnong Nongbudum, u Bah Stanbor Phyllut 38 snem na ka nongshnong Nongbudum, u Bah Jejanstar lyngkhoi 38 snem na ka shnong Mawbyrkong bad u Bah Rikstar paliar 55 snem na ka shnong Nongbudum.
Kiba la khlad pat hapoh Nongstoin Civil Hospital ki long u Bah Thrangbor wahlang, Bah kyrshanbor kharsyntiew , u Bah Ricky lyngkhoi , ka Samla Bisilin Lyngkhoi bad ka samla Drialtina Lyngkhoi. Kiba don na kiba mynsaw ki don hapoh Nongstoin Civil Hospital ban shah sumar.
