Shillong, Lber 11: U myntri ba dei peit ia ka tnad kam kit kambah u bah Dasakhiatbha Lamare haba jubab ia ka phang ia kren kaba la wanrah da u bah George B Lyngdoh halor ka jingpan psa shuh da katei ka tnad sorkar la ong ba ia ka Inter State Bus Terminus (ISBT ) kaba don ha Mawiong yn pyntreikam noh ha ka shitarik u bnai Iaiong ban wan.
U Myntri ka tnad kam kit kambah jong ka sorkar jylla u la ong ba kane ka jingpan pisa shuh kaba la kot sha ka T.2.5/- klur tyngka ka long ban siew ia ka tulop jong kinongtrei ka MTC kaba la pyntrei kam ia ka jingsiew kaba san jong ka sorkar jylla, kumba ka long mynta ka MTC kam lah ban siew iala ki jong ki nongtrei na ka jingmih jong ka.
Haba jubab shuh shuh ha kaba ia dei bad ka ISBT na ka liang jong u myntri ba dei peit ia ka tnad kam kit kam bah la ong ba ka dei ka jingshisha ba la plie ia kane ka jaka da u myntri kam poh ka iing ka sorkar pdeng, hynrei ki dang don ki jingtrei kiba dang hap ban pyndep dei na kane ka daw ba ia kane ka jaka yn pyntrei kam noh naduh ka 1th Iaiong 20222.
U bah George B Lyngdoh ha dien bala ioh ia ka jingpynshai na ka liang u myntri ka tnad kam kit kam bah ha kaba ia dei bad ka jingdon kam ban pan shuh ia katei ka pisa la weng noh ia ka mat ia kren bad ka iing dorbar kala pdiang ia kane ka jingpan pisa shuh ka tnad kam kit kam bah.
