Shillong, Kyllalengkot 05: Ka Meghalaya Co-operative Apex Bank Limited (MCAB) kaba dei tang ma ka ka cooperative bank ha ka jylla baroh kawei kan sa pynbna ha kane ka taiew ban wan ia ka jingpynduna ia ka sut ha kaba ia dei bad ka jingairam bad ia ka sute ba ki briew ki leit ban thep ha kane ka bank, ia kane ka rai hap ban shim da ka kommiti ba kyrpang jong ka Bank.
U Managing Director jong ka MCAB u Bah Osmand E.J Nongbri, u la iathuh ha u SP News Agency b aka Bank kan sa shim ia ka rai ban pynduna noh ia ka sut nan a ka bynta kiba shim ram bad kum juh ia ka sut jong kiba leit ban thep pisa ha kane ka Bank, wat la ka committee kaba kyrpang kam pat shong hynrei u MD u la pynthikna ba ha ka taiew ban wan kin sa pynbna.
Ban shim ia kane ka rai kam dei ka rai shimet hynrei ka don ka kommiti kaba kyrpang kaba kin sa shong ha kine ki sngi ban shim ia ka rai, na ka liang jong u MD um shym la iathuh katno kin pynduna ia ka sut ha kaba ia dei bad ka ram lane bad ka pisa ba thep hynrei u la pynthikna ba kan don ka jingpynduna ha baroh ar liang.
Kane ka jingpynduna noh ia ka sut haba ki briew ki wan ban shim ram bad ia ka sut kaba ki briew ki leit ban thep pisa ka long ka jingpyntrei kam ia ka jingtrei jong u myntri rangbah duh jong ka Ri u Narendra Modi ha ka 31 tarik jong u bnai Nohprah 2016 sha ka Ri, ha kaba u la ong ba baroh ki bank ki dei ban pynduna noh ia ka sut na ka bynta ka jingmyntoi jong ki ba duk. (SP News)
