New Delhi, Lber 29: Mynta ka sngi la iasoi ia ka jingiateh soskular kaba kyrpang ha New Delhi da u Myntri Rangbah jong ka Assam, u Himanta Biswa Sarma, bad u Myntri Rangbah jong ka Meghalaya, u Conrad K. Sangma, ha ka jingiadonlang u Myntri kam pohiing jong ka sorkarpdeng, u Amit Shah ban pynbeit ia u pud u sam hapdeng ka jylla Assam bad Meghalaya, ba iadei bad 6 na ki 12 tylli ki jaka ba don ka jingiapher jingmut.
Kane kalong sa uwei u mawmer ban pynurlong ia ka thong jong u Myntri Rangbah duh, u Narendra Modi na ka bynta ka thain shateilammihngi kaba shngsukshongsain bad kaba seisoh. Ki heh ophisarna ka Tnat Kam pohiing jong ka sorkarpdeng, sorkar Assam bad sorkar Meghalaya ki la iadonlang ha kane ka jingialang.
Ha ka jingai jingkren ha kane ka jingialang, u Myntri kam pohiing jong ka sorkarpdeng, u Amit Shah u la ong ba mynta ka sngi kadei ka sngi kaba kyrpang na ka bynta ka thain shateilammihngi ha kaba iadei bad ka jinglait na ka jingiakajia.
U la ong ba u Narendra Modi u la shim shibun ki sienjam na ka bynta ka kam ba iadei bad ka shongsukshongsain, ka roi ka par, ka jingseisoh bad ka jingkyntiew ia ka kolshor jong ka thain shateilammihngi, kaba baroh ngi la sakhi, naduh u 2014, haba u la long u Myntri Rangbah duh.
U la ong ba hadien ba u la long Myntri kam pohiing ha u 2019, haba nga la iakynduhia u Myntri Rangbah duh, u la kren shaphang ki jingphaikhmat ba kongsan jong ka sorkar ha kine ki saw bynta. U la ong ba kane ka jingiaid lynti naduh u 2019 haduh u 2022 ka la long kaba jop ban kot sha u mawmer ba khraw.
U Amit Shah u la ong ba ha ki lai snem ba la leit, ka sorkar hapoh ka jingialam jong u Myntri Rangbah duh ka ri, u Narendra Modi ka la iasoi bun ki jingiateh soskular ban pynkut ia ki kam pyntriem bad ban wanrah ia ka shongsukshongsain kaba neh sha ki jylla ka thain shateilammihngi.
U la ong ba ia ka jingiateh soskular NLFT (SD) la iasoi ha u bnai Nailar, 2019 ban wanrah ia ki dkhot kiengatiar ban wanphai sha ka imlang sahlang ha Tripura kaba la iarap ban pynlong ia ka Tripura kaba jylla kaba shongsukshongsain. Hadien kane ka la don ka jingiasoisoskular kaba kyrpang ha ka 16 tarik Kyllalyngkt 2020, ban pynbeitshisyndon ia ka jingeh kaba la neh 23 snem jong ki phetwirBru- Reang.
Hapoh jong kane, palat 37,000 ki jaitbynriew riewlum kiba mad ia ka jingim kaba jynjar, mynta ki im ka jingim kaba donburom. U Shah u la ong ba la iasoi ia ka Bodo Accord ha ka 27 tarik Kyllalyngkot 2020 ban pynbeit ia ka jingeh jong ki Bodo kaba la neh 50 snem da kaba pynneh ia ka jinglong tynrai jong ka Assam.
Ka sorkar Assam bad Sorkar India ki la pyndep 95 % ki bynta jong kane ka jingiateh soskular bad mynta ia ka Bodoland la tip kum ka thain kaba shongsukshongsain bad ka don ha ka lynti jong ka roi ka par.
Ka jingiateh soskularKarbi- Anglong kaba la iasoi ha ka 4 tarik Nailur, 2021 ban pynbeitia ka jingiakajia kaba la sahteng la slem bha ha ki thain Karbi jong ka Assam. Hapoh jong kane, palat 1,000 ngut ki dkhot kiengatiar ki la wan pyndem bad wanphai sha ka imlang sahlang.
U Myntri Kam pohiing jong ka sorkarpdeng u la ong mynta ka sngi yn pynbeitsa ia kawei ka jingiakajia kaba la don 50 snem lyngba kane ka jingiateh soskular. U la ong ba ha ka por kaba lyngkot, hynriew na ki 12 tylli ki jingeh la lah ban pynbeit hapdeng ka Assam bad Meghalaya bad kumba 70 percent ka thain khappud hapdeng ki artylli ki jylla ki la lait na ka jingiakajia.
U la ong ka roi ka par jong ka thain shateilammihngi kan nym lah ban urlonglymdapynbeit ia ki jingiakajia hapdeng ki jylla bad lada ki kynhun kiengatiarkim wan pyndem. U la ai khubleiia ki Myntri Rangbah bad ki ophisar jong baroh artylli ki Jylla na ka liang u Myntri Rangbah duh, u Narendra Modi bad ka sorkarpdeng.
U Myntri Kam Pohiing jong ka sorkarpdeng bad u Myntri Cooperation ki la ong ba dei ban don ki jingpyrshang ha u snem jong ka AmritMahotsav jong ka jingioh jinglaitluid ka ri ban sngewthuh ia ka jingangnud jong u Myntri Rangbah duh, u Modi ia ka thain shateilammihngi kaba shongsukshongsain bad kaba seisoh.
U la ong naduh u snem 2019 haduh 2022, palat 6,900 ngut ki dkhot kiengatiar ki la wan pyndem bad palat 4,800 tylli ki tiar ialeh la wan aiti sha ki bor pyniaid. Kane kalong ka jingjop kaba khraw. U Myntri Rangbah duh, u Narendra Modi u la khot ia ka thain shateilammihngi kum ka Ashtalakshmi bad da kine ki sienjam, ka thain shatei lammih ngi ym tangba kan long shi bynta ki kam jong ka ri, hynrei kan long ka bor jong ka roi ka par ha ka ri.
U la ong ka sorkarModi ka la shim shibun ki sienjam ba kynthup ia ka thain shateilammihngi kaba lait na ki jingdih pynbuaid, kaba lait na ka jingshlei um bad na ki briew kiba rung beain.
Ka sorkar India bad ki sorkar jong ki jylla ka thain shateilammihngi ki iaidshaphrang ha ka rukom kaba stet ha baroh kine ki kam. U Amit Shah u la ong ba u sngewskhem ba ka jingkut jingmut jong ki Myntri Rangbah jong ka Assam bad Meghalaya, ngin pynlong ia ka thain shateilammihngi kaba lait na ka jingiakajia lyngba ki jingiamir jingmut bad baroh ki jylla.
U Myntri Rangbah jong ka Assam, u Himanta Biswa Sarma bad u Myntri Rangbah jong ka Meghalaya, u Conrad Sangma ki la pynpaw ka jingsngewnguh ia u Myntri Rangbah duh jong ka ri, u Narendra Modi bad ia u Myntri kam pohiing jong ka sorkarpdeng, u Amit Shah namar ka jingpynbeit ia kane ka jingeh kaba la neh da ki phew snem.
Kala dei ka jingpeit bniah jong ka Sorkar Pdeng ban pynbeit ia ki jingkajia kiba iadei bad u pud u sam lyngba ka jingiatrei lang bad ki Sorkar jylla bad ban long kaba prat lynti na ka bynta ka jingiasuk ha kine ki kam lyngba ka jingiasngewthuh jingmut.
Kane ka jingiateh soskularkan ai jingmyntoi ia ki briew kiba sah ha kine ki thain bad kan pynthikna ia ka shongsukshongsain bad kan kyntiew ruh ia ka roi ka par. Kane ka jingiateh soskular ka dei ka dak jong ka jingiatrei lang ka Sorkar Pdeng bad ki Sorkar Jylla bad kan prat lynti na ka bynta ka jingpynbeit ia kiwei kiwei ki jingiakajia kiba iadei bad u pud u sam hapdeng kiwei kiwei ki jylla.
