Shillong, Lber 07: Mynta ka sngi u myntri rangbah ka jylla u Conrad K Sangma u la pliepaidbah ia ka skhim kaba la tip kum ka “ Adaptive Community Based Water Harvesting Project” kaba la bei pisa da ka Asian Development Bank kaba la kot sha ka T.500 klur tyngka.
Haba kren ha kane ka jingialang kaba la long ha State Convention Centre, u myntri rangbah ka jylla u la ong ba “ha ki arphew snem ban sa wan kan sa dong ka jingkyrduh um kumta ngi la don kam ban ban pynkhreh ban ia da ia ki tyllong um” la ong u myntri rangbah ka jylla u Conrad.
Kane ka skhim ka long ba ka ki shnong ki seng kin ia soi ia ka jingiateh kular bad ka sorkar ba iada bad pynneh pynsah ia ki tyllong um bad ka sorkar pat kan bei pisa ban shna ia ki jaka pynlang um bad ban thung dieng ha ki tyllong um.
Kane ka shim ha ka bynta kaba nyngkong yn shna thungdieng ha ki 532 tylli ki tyllong um bad ban shna ia ki jaka pynlong um ha kylleng ka bynta jong ka jylla, ha kane ka bynta ka nyngkong yn sdang shuwa ban iada ia ki 382 tylli ki tyllong um bad ban shna ruh 382 tylli ki jaka pynlang um.
Ka jingshna ia kine ki jaka pynlang um bad ban iaid iaki tylli long um, katba kum ki District, ki long Eastern West Khasi Hills 35, East Khasi Hills 36, South West Khasi Hills 34, East Garo Hills 30, North Garo Hills 39, West Khasi Hills 37, Ri Bhoi 37, South Garo Hills 19, South West Garo Hills 26, East Jaintia Hills 21 bad West Jaintia Hills 36 tylli.
Kum ka jingsdang ia kane ka skhim mynta ka sngi la sam ia ki jingiasoi soskular ka sorkar bad ki shnong baroh 36 tylli hapoh East Khasi Hills District, ia kane ka skhim la pyntreikam lyngba ka tnad pynneh pynsah khyndew jong ka sorkar sorkar jylla.
Ha kane ka jingalang la pynbna ruh ban buh noh ia u mawnongrim shna ia ka dam ring um ha Wahkhen na ka bynta ban pynbiang um ka Shillong New Township ha ka jinglut kaba T.1600 klur bad tang na ka bynta ban shna ia ka dam um kan long T.600 klur.
Ha kane ka sngi la don lang ruh u myntri ka tnad pynneh pynsah ia ka khyndew u Marcuise N Marak, ka myntri ka tnad ka koit ka khiah, u Joram Beda Commissioner bad Secretary, ka Director ka kong I.Rynjah, Director ka tnad ka koit ka khiah.
