Shillong, Nohprah 01: Ka lai tarik ka pyrthei ka rakhe kum ka sngi kaba kyrpang na ka bynta jong kiba don ka jingduna ha ki dkhot met man ka 3 tarik jong u bnai Nohprah bad mynta u snem ka sorkar kan rakhe ia kane ka sngi ha Pynursla.
Katba sngewsih ka long ba kine ki bapli ki hap ban pynlong da ka jingiakhih shong kyllain mungor mynta ka sngi shuwa ka sngi ban rakhe ia kane sngi ba kyrpang ka jong ki. Ka jingiakhih jong ka seng Khasi Disabilities Association (KDA) mynta ka sngi ka long halor ka jingbym lah jong ka sorkar ban pyntrei kam ia ka jingbhah kam kyrpang ia ki ba 3% kumba la pass da ka ain.
Ha ki placard kaba kila thoh ha kane ka jingiakhih shong kyllain mungor mynta ka sngi, ki la thoh “ Sorkar ai ia ka hok jong ngi ban gin shong khop man ka sngi” kawei pat ka placard ka thoh “ Ko sorkar thung dkhot noh ha ka MPSC bad DSC ia ki briew kiba don jingduna ha ki dkhot met ba kin khmih ia ka bhah kam jong ngi kaba 3%”.
Kiwei ki jingthoh ha ki placard ki kren “ kam myntoi ban rakhe sngi kyrpang lad aka sorkar ka dang pynsyllang” ki don ki jingthoh ha ka ktien phareng kaba ong “ Access to jobs is our right, don forget P.W.D Act 1995 7% is ours” kila buh ki jingkylli ruh “ka skhim thaw iing IAY sha ei ki jah ngim jum ioh sha ei ka jah ka bhah jong ngi”.
Na ka liang jong ka KDA kala kwah ban ia kynduh ia u myntri sorkar u Clement Marak ban ia kren halor kane ka kam jong ki ban ai ruh ia ka dorkhas hynrei namar ba um don ha ophis kim shym la ioh ia kalad ban leit ai ia ka dorkhas kaba kila pynkhreh.
