Shillong, Naiwieng 10: Mynta ka sngi da ki bun bun kynta ki paidbah kila ienglain ha ki bank bapher bpaher jong kane ka nongbah Shillong bad wat sha ki nongkyndong ruh kum juh ban bujli ia ki pisa ba rim ban ioh da kaba thymmai bad don ruh bun kiba la shu leit banthep ia ka pisa ba rim ruh ha ki account jong ki.
Ha kane ka nangbah Shillong kiba bun eh ki paidbah kiba ienglain ka dei ha SBI Main Branch Shillong bad ha kiwei kiwei ruh ki bank kiba don ha kane ka nongbah Shillong. Ha kane ka sngi sdang jong kane ka jingai lad ban kylliang ia ki pisa ba rim ban ioh da kaba thymmai kala pynlong ba ki paidbah ki hap ban ieng lain da ki bun bun kynta.
Haba u SP News Agency u la leit ban peit ha ki katto katne tylli ki bank, la shem ba ka jingbhah ia kane ka pisa thymmai sha ki tnad bapher bapher jong ki bank ka dang duna ha kaba ki nongtrei jong ka bank ki hap ban leit shim biang namar kam dap kumba kila mang.
Katba sha ki iew ki hap khamtam hapoh Iewduh ka khaii pateng mynta ka sngi kala suki jai namar ba bun na ki nong die dukan lada ki nongthied kim ioh ia ka pisa khutia kim treh ban ai ia ki mar sha ki nongthied lada ki ai da ki lut san spah bad shihajar.
