Shillong, Nailar 26: U Director ka tnad ka koit ka khiah mynta ka sngi u la iathuh ba 49 ngut ki briew la test COVID-19 Positive ha ka jylla bad tang hapoh ka nongbah Shillong 30 ngut ki riew paidbah.
Haba batai ha ki lat pathai khubor mynta ka sngi la iathuh ba na kine ki 49 ngut, ha East Khasi hills 32 ngut, 2 ki dei na ka kynhun shipai bad 30 ngut ki dei ki riew paidbah na kylleng kane ka nongbah Shillong.
Ha Ri Bhoi u wei, ha East Garo Hills 9, na kine wei dei ba wan phai na Maharatra bad 8 ngut kiwei dei kiba la test na phang ha Iew Rongjeng bad 7 ngut ha West Garo Hills District.
Kiba shitom baroh ka jylla ki long 1168 ngut , ka jingdon ki nongpang katkum ki District ki long East Khasi Hills 820, West Khasi Hills 43, Ri Bhoi 78, West Jaintia Hills 3, East Jaintia Hills 12, West Garo Hills 172, South West Garo Hills 1, South Garo Hills 12, East Garo Hills 12 bad North Garo Hills 13.
Kiba la koit haduh mynta ka sngi ki long 874 ngut, kiba la koit tang mynta ka sngi baroh ki long 42 ngut, East Khasi Hills 3, South West Garo Hills 3, West Garo Hills 32 ngut, 27 dei na ka kynhun shipai bad 5 ngut ki riew paidbah bad kiba khlad haduh mynta ki long 8 ngut.
Ki nongmuna kiba la shim haduh mynta ki long 79126 ngut, kiba la test Negative ki long 76645 tylli bad ki reslot kiba dang ap ki long 431 tylli bad ki briew kiba wan phai sha ka jylla kila kot sha ka 31084 ngut.
