Shillong, Lber 30: Ia ka jingkieng “Bailey Bridge” ha dwar ksuid kaba la plie ha ka 25 Lber 2021 da u Symbut Myntri Rangbah ka jylla u bah Prestone Tynsong hapdeng shisnem ka khang ia kane ka jingkieng ban iaid ki trok na kane ka jingkieng ha Shillong Bypass.
Mynta ka sngi la iohi ba ia ki ki trok la pyniaid na ka jignkieng kaba rim kaba la lap myshuwa ba ka don ka jingorpaid, ka jingpyniaid ia ki kali ka long kawei kawei bad kala don ka jignthoh ha khmat jongkieng ba la shah ban iaid tang ia ki kali kiba kiba kit 10 Mt bad ka don ruh ka khyrdop pulit ban ap ha kane ka jaka.
Katkum ki jingtip kiba la ioh la ong ba la don kumba shibnai ei ei bala khang ia ki trok ba kin iaid na kane ka jingkieng “Bailey Bridge” bad la buh ruh da ka top rong ha pdeng ka jingkieng ba khang ia ki kali ba kin iaid na kane ka jignkieng labuh ruh ia ki maw na baroh ar liang ban nym shah ia ki kali ban iaid na kane ka jingkieng.
Ka sorkar kala pynlut palat klur tyngka ban shna ia kane ka jingkieng naw ban iaid ki trok bd kane ka jingshna ka long ha dien ba la lap ba ka don ka jingor paid ha kane ka jingkieng da ki seng na Ri Bhoi District bad ka NAHAI ruh kala shim khia ban shna ia kane ka jingkieng nar bad la pynshna da ki Border Road Organisation.
