Shillong, Naitung 09: Haduh mynta ka West Khasi Hills District bad ka South West Khasi Hills District kiba hap hapoh jong ka Division Forest Officer West Khasi Hills Social Forestry Division Nongstoin ym pat don ba ioh ia ka Mining Lease wat lada kila don kiba la dep ban buh ia ki applikoshon jong ki.
Ka ophis jong ka Divisional Forest Officer jong ka Nongstoin Division, ka dei peit ruh iaki lai tylli ki kad khaii sha Bangladesh ka Borsora, Ceheragoan bad ka Bagli, da kane ka jingbym pat don ba ioh ia ka Mining Lease na ka sorkar ki nongkhaii mawshun na katei ka thain mynta ki sah ha ka umdum kumno ban leh.
Haba u SP News Agency u la ioh ban ia kren bad u Division Forest Officer jong ka Nongstoin Division u la iathuh ba haduh mynta kila don kumba hynriew ngut kiba la wan buh ia ki aplikoshon jong ki bad ka jingpeit bniah ia kineki aplikoshon ka dang iing sha khmat shwua ba ai ne kyntait ia ka jingpan Mining Lease.
Haba la kylli pat hato kila don ne em kiba la wan ban pan “No Objection Certificate” ban khaii sha Bangladesh da kaba thied ia ki shallan na kiwei ki jaka na ka liang jong u Divisional Forest Officer u la ong ba haduh mynta ka ophis kam pat ioh pdiang ia ki aplikoshon kiba kum kita.
