Shillong Jylliew 15: U Deputy Commissioner jong ka East Jaintia Hills District u Bah W I Lyngdoh la iathuh ba haduh mynta ka jan miet la ioh ban tam 29 tylli ki met iap bad, 9 ngut kiba mynsaw ha ka jingkylla ka Night Supar ha Sonapur.
Haba kren ha u SP News Agency u la ong ba ia mynta ym pat lah ban ong kat no ngut kiba la duh ei iala ka jong ka jingim ha kane ka jingkylla jong ka Bus kaba mih na Silchar ban leit sha Guwahati namar kajingwad ia ki ba Langat ha kane ka jingjia kaba sngewsih ka kan iai beteng la shai ka sngi ruh namar ym pat kah ban pyndep mynta ka sngi.
Ia kiba mynsaw la pynkit ia ki sha ki jaka ai jingsumar bapher bapher kum ha Shillong bad ha ki jaka ai jingsumar kiba don ha Jowai. La iathuh ba ka jingbteng ban wat ioh dang don kiba sah ha kane ka jingkylla kali kan dang la shai.
Kane ka Bus kala mih na Silchar ban leit sha Guwahati hynrei ynda poi ha kane ka jaka ha ka miet sngi baar kala kylla sha riat ha kaba kala wanrah ia kane ka jingduh kaba khraw ha kaba bun ki mynsiem briew kila duh noh ia la ka jong ka jingim.
