Tura, Nailar 29:Da ka jingthmu ban kyntiew ia ka ioh ka kot ha ka jylla da kaba pynjyrngam ia ka mariang, ka sorkar jylla kala shim ia ka rai ban thung siej ha kane ka jylla bad ia kane ka kam laleh da ka tand ka rep ka riang bad ka tand rep soh reppai jong ka jylla .
Ia kane ka kam thung siej la sdang da u myntri rangbah ka jylla u Dr Mukul Sangma hapoh jong ka Betasing Block jong ka South West GaroHills, ha kane ka sngi la sam ia ki symbai siej sha ki katto katne ngut ki nongrep kiba la jied kyrpang bad ki kyrteng jong ki siej ki long ki,Dendrocalamus Giganteus bad Dendrocalamus Asper.
Na kane ka jaka u Dr Mukul u la leit ruh sha ka shnong Gongglanggre, kaba hap hapoh jong ka Selsella C&RD jong ka West Garo bania don bynta lang ha kane ka sngi ban ia thung siej ha kane ka jaka.
Ha ka jingkren jong u Dr Mukul u la ong ba kane ka kam thung siej kam dei ka skhim kaba thymmai hynrei ka dei kaba la don lypa hynrei ka long kumno ban kham pynjanai ban kiew haka ioh ka kot bad ka juh ka por ban iada ia ka mariang. Ha ka juh ka por u la ong ba wat la bun ki nongrep hynrei ka Ri India ka dang hap ban wanrah ia ki siej na sha bar jong ka Ri.
Kum shibynta jong kane ka “Mission Green”, ka jingthung ia ki siej kan long ruh halynter jongki surok bad yn ailad ia ki shnong ki thaw , ki skul ba kin ia don bynta lang ha kane ka kam thungsiej. Ka jylla ka don haduh sanlak ngu tki ba don ia ka card bylla shispah sngi lada ba roh kine ki ia don bynta lang ha kane kakam kam iarap ban kyntiew ia ka ioh kakot ka jong ki.
Halor ka jingshim khia jong ka sorkar ban shna ia ka surok na Ampati, Dalu, Ranikor, na ka liang jong u myntri rangbah ula ong ba lada la dep kane ka surok kan long ka jingkhang na kabynta ka dong shatei lam mih ngi bad kyntiew ia ka ioh ka kot. Ha South West Garo Hills la ai sumbai siej haduh 75,000 tynrai, ha Selsella block 15,200 tynrai.
Ha Samanda block ha East Garo Hills, ia kane ka jingpynlait ia kane ka kam thung siej naka bynta ka surok Tura haduh nongstoin laleh da u, Noverfield Marak parliamentary Secretary bad ia kine kisiej ym sam lyngba ki block.
