Shillong, Jymmang 04: Ka tnad Disaster Management jong ka sorkar jylla mynta ka miet kala ioh lut ia ki jingkhien na baroh ki District bad mynta ki dang shim jingkhien ha kaba bad ka jingshah pynjulor kane ka “Eriong Fani” kaba la lynshop ia ka jylla baroh kawei.
Ki thymmei khubor kiba ia jan bad katei ka tnad Disaster Management kin sa pynlait paidbah ia ka jingjulor ka jylla la shai ka sngi na ka liang jong ka sorkar khnang ba kan long ka jingkhein kaba shai.
Na ka liang jong ka sorkar kala bethah ia baroh ki khatwei tylli ki District ha ka jylla ba kin long kiba peitngor halor kane ka jingwan jong kane ka eriong ban pyntip ruh sha ki paidbah ba kin long kiba husiar ban lait na kano kano ka jingmynsaw ne ka jingjia kaba sngewsih.
Katkum ki jingpyntip na ki District haduh mynta ka sngi wat la ki ladon shibun ki jingshah ktah ha kane ka jingwan kane ka eriong hynrei haduh mynta ym shum la don kano kano ka jingpyntip ba kan don ka jingjia kaba sngewsih.
