Shillong, Rymphang 19: U Myntri rangbah ka jylla u Conrad K Sangma haba jubab ia ka jingkylli jong u bah Heavingstone Kharpran, la ong ba ia ka rai jong ka iing dorbar ban dawa na ka sorkar pdeng ban pynrung ka kitien Khasi bad Garo ha ka khyrngit kaba phra ka dang sah bad ka sorkar pdeng.
U myntri rangbah u la pynshai shuh shuh ba naduh bala shim ia ka rai hapoh ka iing dorbar ha ka 27 Nailur 2018, ka sorkar kla phah ia ka jingthoh sha ka sorkar pdeng ha ka 14 Nohprah 2018 bad naduh katei ka por haduh mynta ka sorkar kala phah haduh 8 tylli ki shithi bad ka sorkar pdeng kala jubab la ar sien.
Ka jubab kaba shai haduh mynta kam paw wan na ka sorkar pdeng bad ka nongrim kaba ka sorkar pdeng ka iing ka long ba kan shym don kano kano ka kyndon kaba shai bad kam shym la aid aw ruh haduh mynta. Na ka liang ka sorkar jylla man ba ki kynduh ia u myntri kam poh iing ki kren ia kane na ka por sha ka por.
Haba ia dei bad ka ktien Garo na ka liang jong ka MHA kala ong ba kin sa pynrung ha ka thup, ha ka jingshisha ka dei ban rung mynta kin sa pynrung, ha ka thup jong ki 38 tylli ki jaid ktien, ka dei ka sorkar MDA-I kaba la shim ia kane ka rai ha kaba ka iing dorbar baroh kawei kala pdiang ia kane ka rai ban dawa ban pynrung ia ka ktien Khasi bad Garo ha ka Khyrngit kaba phra.
Haba jubab ia ki jingkylli bynrap na ka liang jong u myntri rangbah ka jylla la ong ba na ka liang jong ka sorkar jylla kam lah ban tip, kaba tip bha dei ka sorkar pdeng, hynrei kaba long shai haduh mynta kam shym don kano kano ka kyndon ban buh ban pynrung ia ka ktien Khasi bad Garo ha ka Khynrgit kaba phra ka riti shynshar ka Ri India.
