Shillong, Rymphang 19: U Symbut myntri rangbah ka jylla u bah Prestone TYnsong haba jubab ia ka jingkylli jong u bah Ronnie V Lyngdoh, la ong ba ia ka surok Shillong Western Bye Pass kan iaid na jan lat Mawreng surok SHillong Tura bad kan mih sha lat Umsaw ha Ri Bhoi District.
La pyntip hapoh ka iing dorbar ba kane ka surok kan jrong haduh 38.26 km, la iathuh ba ka jingpynkhreh ban shim ia ka jaka mynta la lah ban pyndep bad kaba sah ka long sa ban phah ia ka pisa sha ki Deputy Commissioner ba kin siew sha ki trai jaka.
Ka jinglut baroh ban siew ia kabai jaka ka long T. 681.63 klur tyngka bad ki khmih lynti ba ia kane ka pisa ka sorkar pdeng kan phah hapoh kane ka snem mang tyngka kaba mynta bad mar ia ioh ia kane ka pisa yn siew noh sha ki trai khyndew.
U myntri ba dei peit ia ka tnad pule puhti ha ka jylla u Rakkam A. Sangma haba jubab ia ka jingkylli jong u Rupa M Marak ha kaba ia dei bad ka ja sngi ia ki khynnah skul, la ong ba baroh ki skul kiba ioh ia kane ki don haduh 923 tylli ki Lower Primary skul bad na ka bynta u snem 2023-2024 u khaw bala mang ka long haduh 977,56 metrik tone.
Haba ia dei bad ka jingpyntip jong dkhot ka iing dorbar ba ki don 9 tylli ki skul kiba khlem ioh thikna ia u khaw na ka liang jong ka sorkar kan sa shim khia halor kane ka jignpyntip jong u MLA.
