Shillong, Natiung 07: U bah E Lyngdoh engineer jong ka Mawsynram PWD Divison u la iathuh ba ka jingtwa jong ka surok kala julor bun bad na ka liang jong ka pa PWD kan ia leh katba lah ban maramot ia kane ka surok hapoh ka shitaiew ban pyndep ia ka.
Haba kren ha u SP News Agency u la iathuh ba ka jingtwa ka long ha rum jong ka Wah Mawlangdiar shuwa ban poi sha jaka thang shun mynshuwa. Na ka liang jong ka PWD kan ia leh katba lah ban shna ia kane ka surok ban pyndep hapoh shitaiew.
Na ka daw jong ka jingjur palat jong u slap ka surok na Mawsynram ban leit sha ki thain Lawbah mynta ka sngi harum Wah Mawlangdiar, kala twa bad kane kala pynlong ba ki kali kimlah shuh ban leit ban wan na Mawsynram sha Lawbah.
Katkum ka jingiathuh ki briew na katei ka jaka kila ong ba kane ka jingtwa jong ka surok ka long ha riat Mawksir, ka jingtwa jong ka surok ha kane ka jaka kala pynlong ia ki bun phew tylli ki shnong kiba dei ban iaid lyngba kane ka surok hapdeng ka jingeh.
U Bah Alvin Sawkmie MDC jong ka Mawsynram u la iathuh ba u la ioh ia kane ka jingtip mynta ka sngi ha kaba ia dei bad ka jingtwa jong kane ka surok, u laiathuh ba la shai ka sngi un leit hi da lade ban peit kaei kaba lah ban leh khang ki paidbah kin nym ia kynduh jingeh.
