Tura, Naitung 8: U myntri rangbah ka jylla u Dr Mukul Sangma mynta ka sngi da la de u la eit ban jurip hi ban peit ia ka jingpyntreikam iaka social assistance scheme haki ar tylli ki District ka n South West Garo Hills bad West Garo Hills districts ha Ri Lum Garo.
Ia kane ka skhim chief minister’s social assistance scheme la sdang ha 2012 bad kane ka long ban iarap ia kiba sah khun swet, ki thei iap lok. Na ka lian jong u myntri rangbah u la shim khia ia kane ka kam da la de ban peit ba kito kiba dei hok kin ioh ia kane ka jingiarap.
Kane ka jingpynrung kyrteng ia ki briew ban ioh ia kane ka jingiarap ka long ha poh jong ka Zikzak bad Betasing block ha South West Garo Hillsbad Selsella ha West Garo Hills District.
U myntri rangbah u la ong ba kumba ka long ki duna bha ki briew kiba wan sha khmat ban wad ia kane ka skhim kumta “ Ngam ban se ban leit jurip hi da lade ban pynshlu ia ki paidbah ba kin wan sha khmat” la ong u Dr Mukul.
Ia kane ka skhim la pyntrei kam da ka tand Social welfare bad na ka liang jong u myntri rangbah u kwah ban ki paidbah ki dei ban ioh ia kane ka jingmyntoi na kane ka skhim. Katkum kane ka skhim kamda dei ban ba ka briew kan dei na ka kyhun BPL.
Na ka daw ba ki paidbah ha kane ka jylla Meghalaya ha ki nongkyndong ki long kiba duk kumta la don kam ban pyni ia ka kard BPL. Kane ka jingiarap na ka bynta ki ba duna dkhot met kan don kano kano ka snem kan long ia baroh hynrei ia ki riew tynmen, ia ki kynthei ka dei ban long 58 snem bad ia ki shynrang kan long 60 snem bad ka jingsiew kan long T.500 tyngka shibnai.(SP News)
