Madan umwan ,Iaiong 07: U bah C Shadap u wei na ki nongialam jong ka seng Congress Mynta ka sngi u la hiar sha Umwang ban leit ialap election ha ka jingialang paidbah sha ka shnong Madan Umwang bad ha ka juh ka por ban pan ka jingkyrshan kaba pura na ki paidbah na ka ne ka thain ba kin ai ka jing jingkyrshan kaba shkhem ia u bah Vincent H Pala ha kane ka MP Elektion kaba mynta u kyrtong ka seng congress.
U bah C Shadap haba kren ha kane ka jingialang u la ong “nga wan hangne ym ba nga wan ban pynrem ia u no ia u no u candidate hynrei nga wan ban pynshai haphi ki paidbah baroh bad kaba kongsan eh ka long ban pan ia ka jingkyrshan kaba pura na phi, ba baroh ki paidbah ha kane ka thain nga kwah ba phin ia ai ka jingkyrshan ia u bah Pala ha kane ka kynti kaba mynta bad ia ailad biang ia u , ba un ioh biang sa shisien ia ka jingjop ba don burom na ka 1- Shillong parliament seat”.
“Lada Phi long kiba la kloi ban ailad biang ia u bah Vincent ha kane ka kynti kaba mynta bad lada une u candidate un ioh biang ia ka jingjop bad un wan biang ha ka bor nga ruh nga long ba la kloi ban iarap ia phi ki paidbah ha kane ka thain jongphi , nga kyrpad ia phi ki paidbah baroh ba phin ia mih ryntih ha ka 9 tarik bad ban thep ia ki vote jong bad shon ia ka shap ha ka dur jong ka kti”. Ong u bah Shadap
Ha ka tei ka jingialang paidbah la ioh ruh ia ka jingkren na u bah H. Mynsong u la ong ka long kaei ka kaei kaba pyn lyngngoh ia ki paidbah balei ki MLA bad ki MDC jong tei ka thain kim shym la lah ban wan pynshai ia ki paidbah , hynrei ki sngew nguh ia u bah C shadap u ba long tang u riew paidbah u la long u ba la kloi ban leit ai ka jingpynshai ha ka tei ka thain kaba iakhap bad ka Block II.
“U bah Mynsong u la ong ruh ba shibun ki skhim kiba dei ban ioh bad ha kaba iadei ban kyntiew ia ka roi ka par , hynrei ym shym laioh satia namar ia ki ne baroh kiba dei ka bha jongki la shah set tyllep noh kaba dei ka bhah jong ki, bad ai ba u ne u Kyrtong jong ki mynta U bahVincent H Pala un kren bad un iasaid ha Delhi lada un ioh ia ka jingjop, bad ruh ruh ha kab iadei bad ka shong suk shongsain hakaba ia dei bad ka tei ka thain”.
Kiwei kiba la ai jingkren ha katei ka jingialang ki kynthup ia u Bah J Mynsong, Chairman ka Madan Umwang, u Bah H Mynsong, uwei na ki riew rangbah ka Umtlih, Bah Jim Lamare, Rangbah Shnong ka Khlieh Umwang lem bad ki wei ki wei ki riewrangbha.(SP News)
