Shillong, Nohprah 29: Mynta ka sngi phra ngut ki MLA jong ka iing dorbar thawain ka jylla Meghalaya kila hiar shuki noh na ka kam MLA, kine kiba hiar shuki mynta ka sngi ki long san ngut na ka seng Congress, Wei naka UDP bad ar ngut ki Independent.
Ki MLA Congress ki long u Bah Prestone Tynsong, Bah Rowell Lyngdoh, Bah Sngiawbhalang Dhar, bah Ngaitlang Dhar, Bah Comingone Ymbon. U Bah Remingtone Pyngrope u dei na ka UDP bad ki ar ngut ki Independent ki longu bah Hopeful Bamon bad Bah Stephanson Mukhim.
Kine ki phra ngut ki MLA kiba la hiar shuki mynta ka sngi kila ai da lade ia ka shithi hiar shuki jong ki sha u Commissioner bad Secretary jong ka iing dorbar thawain ka jylla ka Meghalaya Legislative Assembly u bah Andrew Saimon namar ba u Speaker jong ka iing dorbar thawain ka jylla ym don.
Ki MLA jong ka Congress u bah Rowell Lyngdoh bad u Bah Prestone Tynsong haba kren ha ki nongthoh khubor ha dien ba la hiar shuki ki la ong ba kin don ei ei pyrshah ia ka seng Congress.
Ka jingeh kaba ki ia kynduh lang ia ki nongialam jong ka seng, ha kaba u president jongka MPCC u Dr DD Lapang ymlah ban shim ia kano kano ka rai ha kaba ia dei bad ka party bad u Dr Mukul kum u nongialam ia ka Parliamentary Party u leh katba mon ym sngap ia kaei kaba ki ia kren.
U Bah Prestone u la ong ba ia kane ka jingeh jong ka party la pynsngew sha ki nongialam jongka AICC hynrei kim sngap haba kim sngap na ka bynta ka jingbha jong ka jylla kim ban se ban mihnoh ha ka party.
