Shillong, Naitung 09: Na ka daw jong ka jingkhynniuh jummai kaba khah khah ha kane ka jylla bad kumba ka long ka dong shatei lam mih ngi jong ka Ri India ka hap hapoh jong ka lynti kaba san jong ka jingiaid u jumai ka State Disaster Management Authority (SDMA), jong ka jylla bad ka jingiatreilangjong ka District Disaster Management Authority (DDMA) mynta ka sngi kala pynlong ia ka jinghikai kumno ban iada banlait na ki jingmynsaw bad ha ka juh ka por kumno ban iarap ia ki briew lada ka wan ka jingshah pynjulor ha u jumai ne kano kano ka jingshah pynjulor ha ka Mariang ia kane la pynlong mynta ka sngi ha State Central Library, Shillong.
Kane ka jingpynlong ia kane ka ka jinghikai ka long shibynta na ka jingpynlong ia ka jinghikai kaba ar sngi lynter ia ki briew sorkar kiba dei ha ka Incident Response System (IRS) bad kine kiba shah hikai ki dei na ka Incident Response Team (IRT) jong ka East Khasi Hills District. Ka jingthmu jong kane ka jingpynlong ia kane ka jinghikai ka long ban wanrah ia ka jingsngewthuh kumno ban leh lada ka don ka jingkhynniuh jumai. Ha kane ka sngi la don ruh ki kynhun kumno na ka Red Cross Society bad na ka SDRF bad ka kynhun bharat scout and Guide.
Shuwa ban sdang ia ka jinghikai la ioh ia ka jingkren na u H.B.Marak, Executive Officer, SDMA bah P.S. Dkhar, Deputy Commissioner u ba long ruh u chairman jong ka DDMA, East Khasi Hills District kin ear ngut kila ai jingkren halor kane ka jinghikai. Ha dien kane ka jingai jinghikai la ioh ruh ia ka jingkynthoh na ki briew kiba la buh kyrpang halor kane ka jinghikai.
Na ka liang jong ki nongpeit halor kane ka jinghikai ha dien ba la pynkut kila ai ia ka jingkynthoh ka jong ki ha kaba ki la ong ba don kam ia ka jingiatreilang na baroh ki liang ba kin pyndep ia ka kamram ia jong ki bad la ong ba kumn kine ki jinghikai dei ban pynlong na ka por sha ka por ban pynlong ia ki briew ba kin long kiba la khreh lada jia ba kan wan ka jingpynjulor jong ka mariang.
