Shillong, Kyllalyngkot 08: Ka ophis jong ka Assembly Secretariat kala ioh ia ka jingpyntip na ki pulit ba la kem ia u Bah Julius Dorphang , Independent MLA jong ka Mawhati.
Haba kren ha u SP News Agency u shongknor jong ka iing dorbar thawain ka jylla u AT Mandal u la ong “ hooid nga la ioh ia ka jingtip na ki pulit ba la kem ia u Bah Julius Dorphang MLA jong ka Mawhati ha ka sngi thodhieng mynmiet”.
Haba la kylli hato une u MLA un ngat ne em ha ka jingshah pynduh ia ka jinglong dkhot jong u kum u MLA, u Speaker u la ong, ban pynduh ia ka jinglong dkhot jong u MLA, ka iing dorbar thawain ka jylla ka don ia ka rule, ia kaba la tip kum ka “The Rules of procedure and conduct of business in the Meghalaya Legislative Assembly” jong ka rule 185 jong ka kyndon (1).
Kane ka rule 185 jong ka kyndon (1) ka ong, ia ka seat jong u dkhot ia iing dorbar lah ban pynbna ba kala long thylli kan long tang hapoh jong ka kyndon kaba (4) jong ka riti synshar jong ka Ri kaba 190, da kaba wanrah ia ka motion da u nongialam jong ka iing dorbar lane ha uno uno u dkhot jong ka iing dorbar u ba la ai bor ban leh ha ka kyrteng jong u.
Haba ka kyndon kaba (2) jong ka rule 185, ka ong lada ia ka moition la kaba la kdew ha ka kyndon (1) la pdiang da ka iing dorbar , u secretary jong ka iing dorbar u hap ban pyntip da kaba pynmih ia ka jingpynbna ha ka jingypnbna sorkar ka Gazette bad ia kane ka jinypnbna phah kotpi sha u Lat jong ka jylla bad sha ka Election Commission.
Hapoh jong ka kyndon kaba (4) jong ka riti synshar kaba 190, ka ong, lada u dkhot jong ka iing dorbar u pep shong dorbar 60 sngi lynter khlem ka jingbit jong ka iing dorbar , ka iing dorbar ka lah ban pynbna ba kata ka seat kan long thylli noh.
Hynrei lad aka khien pat ia ka jingiashong dorbar, ia ki sngi ba wan bad ba pep lada u wan noh shisien saw sngi shuwa ban pynwai ia ka iing dorbar yn nym lah shuh ban shim ia katei ka jingkhein. Kine ki dei kir ule kiba ka iing dorbar ka don, la kdew u Shongknor.
Ban pynduh ia ka jinglong dkhot ia u MLA ki hap ban but ia kitei ki rule kiba ka iing dorbar ka don, ka dei ka jingshisha ba la kem ia u bah Julius Dorphang MA jong ka Mawhati, hynrei kan shong ha ka iing bishar ban ai ia ka rai.
