Jowai, Iaiong 03: Ka jingleh jakhlia jong ki barjylla da kaba leit painkhana kat sha ba lap ka la pynlong ia ki jaka sawdong ba don dewiong jong ka shnong Myntriang ba kin long kiba jaboh bad iwtung bad kaba lah ruh ban wanrah ia ki jingpang ia ki traishnong. Halor kane ka la mih ka jingujor na kiba bun ki nongshongshnong.
Bad ar bnai mynshua, Ka KSU Myntriang Unit ka la buh ia ka jingmaham ia kine ki barjylla ba kim bit ban leit eit klumar kat shaba lap bad ka kyntu ia ki ba kin shna la ki painkhana bad ka jingaipor ia ki ruh ka la kut.
Lyngba kane ka khubor, ka seng ka kwah ban pyntip ba lada ka lap ne don ba ujor ba ki iaidlait ia ka jinghukum ne bteng ia ka jingpyn jakhlia ia ki lum ki them ne ki jaka ba dei iaid lynti ki briew, ka seng kan shim da kiwei ki lynti ban pynshitom ia ki. Kane ka long ka kyrwoh na U Vice President ka seng, ma C. Lamurong.(SP News)
