Ia ka bai jaka,ka Surok Shillong-Nongstoin, Tura la dep ai sha u Deputy Commissioner Revenue

Shillong, Jylliew 09: U myntri jong ka sorkar pdeng ba dei peit ia ka ministry  Road Transport Highways bad  shipping u Nitin Gadkari u la phah da ka shithi sha u MP jong ka Tura u Conrad K Sangma ban pyntip sha u ba ka sorkar pdeng ka la dep ban thep ia ka pisa sha u Deputy Commissioner Revenue jong ka East Garo Hills District bad ka pisa kaba la dep ban thep ka long T.390.51 klur tyngka.

Kane ka pisa kaba la dep ban thep da ka sorkar pdeng ka long na ka bynta ban siew ia ka bai khyndew ha kaba shim jaka ban shna ia ka surok na Shillong-Nongstoin sha Tura. Na ka liang jong ka sorkar pdeng ruh kala iaid bud dien ia kane ka kam namar ban siew ia ka pisa sha ki trai khyndew ka dei ka kam jong ka sorkar jylla. Ia kane ka shithi la phah sha u MP jong ka Tura ha ka 17^th Jymmang 2017.