Shillong, Lber 29: U Bah Rastingwell Thabah Chairman jong “Ka Sur u Paidbah ka Bri Hynniewtrep” mynta ka sngi u la ong ban ki paidbah ka jylla Meghalaya kin tip ia kaei kaba la sorkar kala ia soi ha kaba ia dei bad ka jingia pynbeit bad ka jylla Assam mynta ka sngi ha Delhi ka sorkar ka dei ban pyntip paidbah kumba ka long lyngba ki lat pathai khubor.
U bah Thabah mynta ka miet la ong ba ki paidbah ka jylla ki don ia ka hok ban tip ia kaei kaba ka sorkar kala ia soi la ka long ha kano kano ka rukom ruh, kaba kongsan ka long ban iatip paidbah ia kaei kaba la ia soi, ym ban shu pyntip ba la ia soi kumba la pyntip paidbah mynta ka sngi.
U Shongknor ka ka seng KSUPBH ka angnud ban iohi ba ia kane ka kam pud kam sam bad ka jylla Assam dei ban ia pynbeit, ha ka juh ka por kum ki paidbah nongshong shong ka jylla ki don kam ban tip ia kaei kaba la ia soi, ka long kaba don kam ba ka sorkar kan pyntip paidbah lyngba ki lat Pathai khubor kumba ka long ha kadur jong ka jingpynbna paidbah.
Ki paidbah ka jylla ki don ka jingangnud ban iohi ba ka jylla kan don ia u pud u sam u ba shia ban leit na ki jingwit kaba ki paidbah ha khappud kin lait na ka ki jingeh kaba ki juh ia kynduh bad mad na ka por sha ka ka por, ha ja juh ka por pat ba ki jaka puta kiba dang hap hapoh ki Hima Khasi kaba ki dang shynshar haduh kine ki sngi kim dei ban leit Assam.
Dei halor kitei ki nongrim ba ka KSUPBH ka kwah ba ka sorkar kan pyntip paidbah ia ka kular kaba ki ia soi mynta ka sngi khnang ban ia tip lang baroh kaei kaba ka sorkar kala leh ban weng ia kane ka jingeh kaba la sohkyrdot mynta la sanphew snem , la ong u bah Rastingwell Thabah ha ka kyrwoh mynta ka sngi.
