Shillong, Rymphang 26: U bah Paul Lyngdoh kyrtong ka UDP ha kane ka MDC ilekshon na Jaiaw konstitwensi, u la ong ba ka long kaei kaei kaba sngewsih ban iohi ba ia ka jingshah thermaw ka kali kaba la pyndon kam da u general secretary jong ka KSU u samla Donal V Thabah na ka liang jong ka party congress ka kwah ban pyniashnoh sain pyrthei.
U bah Paul u la ong ba kane ka jingkynnoh ka long ka bym don nongrim haei haei ruh namar kum kine ki jingjia ki jia ha Mawprem khatam ha ka por ba don ka jingpynlip light ha katei ka juh ka sngi ba shah thermaw ka kali jong u nongialam ka KSU, kala don ruh ka jingshah pynpaid kawei ka kali jong u wei na ki nongialam shnong bad ka jingpyrshang ban lute ia kawei ka iing ha Mawpren. Ka jingkynnoh jong ka seng Congress ka long ka bym don nongrim ha ei haei ruh.
U Bah Alantary Dkhar Vice President jong ka party u la ong ba kan jin da la bha lada u samla Donal V Thabah un ai da ka jingujor sha ki pulit khnang ba ki bor jong ka ain kin leh ia kaba don kam bad ban ia shai ha kaba ia dei bad kane ka jingjia ban shuh kynnoh ka long kaei kaei kaba yn nym lah ban pdiang.
U President jong ka UDP Jaiaw u bah Michel War, u la ong ba na ka liang jong ka party UDP ka pynrem jur ia kane ka jingjia bad ka kyntu ia ki paidbah ba kin long kiba jai jai bad na ka liang jong ka party ka shaniah ha ki paidbah bad ka rai jong u paidbah ka party kan pdiang.
