Shillong, Naitung 15:Ka Laban ka la lah ban pyniakhaid lyngba u K Pale ha ka jingialehkai 1st Division Football League ka SSA pyrshah ia ka Imson hyne ka sngi Balang ha JN Sporst Complex, Polo.
Kham ha shwa ha ka jingiakhun kaba mar ia biang bor ka Imson ka la ioh ban thep nyngkong lyngba u H Hashah ha ka minit kaba 47 ban tam da shikol ia ka Laban.
Hadien kane, ka jingialehkai ka la neh khlem don ba ioh thep tad ha ka minit kaba 79 ha kaba ka Laban ka la pynphai ia katei ka kol lyngba u K Pale ban pyniakhaid da mar shikol ha ka jingiakhun pyrshah ia ka Imson.
Ki rangialehkai hadien ba ki la mad ia ka jingiakhaid ki la iakhun tyngeh ha ki minit ba khadduh ban ioh khur nam jop hynrei kim ioh lad satia ban thep bad ha kaba kut ki la hab ban iasam noh mar shipoint.
Mynta ka sngi, ka Mawlai kan iakhun pyrshah ia ka Shillong United ha ka por 4 baje.(SP News)
