Shillong, Kyllalyngkot 16: ki 772 ngut ki Jugali kiba la pass ia ka exam jong ki ia kaba la pynlong da ka MeECL ha u snem 2011 ha kaba ia ka result jong ki dang pynbna ha u Nailar jong u snem 2016 mynta ka sngi kila pynlong ia ka jingiakhih da kaba shong kyllain mungor ha khmat jong ka gate jong ka MeECL kaba don ha Lum jingshai.
Ka jingsngew diaw ka jong kine ki samla kiba la pass ia kane ka exsamin Jugali hapoh jong ka MeECL ka long ba kane ka result kaba la pynmih da ka MeECL ka long ba ka por jong ka long tang shisnem, hynrei mynta la palat san bnai ruh kam pat thung kam wat tang u wei ruh na kine kiba la pass ia kane ka examin jong ki.
Ki don ka jingsyier ba lada san bnai la dep iaid khlem pat lah ban thung wat tang u wei ruh te kan buh ia ki ha ka jingeh lada ka MeECL kam lah ban thung kam ia ki ha kine ki hynriew bnai kiba dang sah. Kane ka jingiakhih ka jong ki ka long ba ka MeECL ka dei ban thung kam noh ia kiba la pass ia ka eksamin Jaguli kumba kala pynbna.
