Shillong, Nohprah 01: Ha ka sngi thohdieng ka jingiakren ha pdeng ka sorkar jylla, ka sorkar pdeng bad ki nongialam jong ka ANVC bad ka ANVC (B) kala long ha Shillong ban iai bud dien ia ka jingiasuk ia kaba la tip kum ka ‘Agreed Text of Settlement’ kane ka jingiakren ka long ban bud dien ia kaei kaba la ia soi mynshuwa.
Ia kane ka jingiasoi ia suk hapdeng ka sorkar pdeng, ka sorkar Meghalaya bad ki ar tylli ki kynhun kieng atiar na garo Hills ka ANVC bad ka ANVC(B) ha ka 24th Nailar 2014, kaba la wanrah ia kitei ki ar tylli ki seng sha ka miej jingiakren ia suk bad ka sorkar.
Ha kane ka jingiakren kaba la long ha Shillong la don lang u mytnri rangbah ka jylla u Conrad K Sangma, u symbut myntri rangbah u Bah Prestone Tynsong, Joint Secretary ka tnad kam poh iing ka sorkar pdeng bad ki nongialam jong ka ANVC bad ki nongialam ka ANVC(B) bad ki dkhot jong ka kommittee.
