Shilong, Rymphang 16: Mynta ka sngi u mytnri rangbah ka jylla u Conrad K Sangma u la ia kynduh ia ki ophisar jong ka tnad kam poh iing ka sorkar pdeng ban pyntip halor ka shithi ba ka seng lehnohHNLC ka kwah ban ia kren ia suk bad ka sorkar.
U Myntri rangbah ka jylla u la ong ba kane ka jingiakynduh ka long kyrpang eh halor ka jingkwah ia kren ia suk ka seng HNLC kumba kila phah da ka shithi ban don ka jingiakren ia suk bad ka sorkar pdeng bad kum juh bad ka sorkar jylla.
Ha ka shithi na ka liang jong ka seng HNLC kala thoh shai ba ki angnud ban don ka jingsuk ha ka jylla bad ka jingiakren kan long kaba khlem da buh kano kano ka kyndon bad ka jingiakren kan long katkum ka riti synshar jong ka Ri India.
Haba ia dei bad kane ka sorkar jylla kala pyntip sha ka sorkar pdeng ia kine ki jingjia, ha kane ka sngi la ia kren bniah ruh kumno ban pyniai ia kane ka kam sha khmat bad kam long ban iathuh paidbah ia kaei kaba kila ia kren.
La ong ba ka jingiakren ka long kaba seisoh bad yn iaid sha khmat katkum ka jingiakren bad ka tnad kam poh iing ka sorkar pdeng. U Myntri Rangbah ka jylla u la ong ba ha kine ki khyndait sngi kin dang don shuh shuh ki jingpyntip ha kaba ia dei bad kane ka bynta
