Mairang Nailar 17: U Dr Jitendra Singh myntri ba dei peit ia ka DoNER, u la leit ban jngoh ia ka stadium jong ka Khatsawphra Sport Association (KSA) kaba don ha Mairang ha dien ba u la wan ban pydep ia ka jingleh burom ka jong u ia u Syiem Tirot Sing ha Mairang.
Ha kane ka jingiakynduh na ka liang jong u secretary jong ka KSA u Bah Boldness L Nongum bad ka kynhun jong ka seng kila pynsngew ha u tei u myntri jong ka sorkar pdeng u la leit ban ngoh ia kane ka madan jong ka seng ryngkat bad u secretary jong ka NEC.
Ha ka jingthoh kaba la ai sha u myntri ka DoNER katei ka sngi, la ong ba ia kane ka skhim la phah sha ka ministry DoNER ha u snem 2004 bad ka jingiathoh shithi hapdeng ka sorkar jylla bad ka tei ka ministry jong ka sorkar pdeng kala iaid la bunbun snem hynrei na ki daw kiba ym lah ban tip la sah teng kane ka skhim haduh mynta.
Ha kane ka jingiakynduh na ka liang jong u Dr Jitendra Singh u ba kular ba un sa skhimkhia hi da la de ia kane ka kam bad u la bthah ruh ia u ki nongialam jong ka KSA ba kin ia kynduh ia u Secretary jong ka NEC bad la bthah ia u Secretary ka NEC ba yn shim khia hi ia kane ka kam ba balei ka sah kumne.
