Shillong, Lber 30: Mynta ka sngi ka la don ka jingialang jong ka “Coordination Committee NDA” ha Shillong hapeng ka BJP bad ka NPP ha kaba u President ka BJP u bad ki nongkit kam kila don lang.
Ha kane ka jingialang la don lang u President ka BJP u Rikman G Monin u bah AL Hek Myntri ha ka sorkar jylla ki nongkit kam bad ki District President jong ka BJP ia kane ka jingialang la pynlong ha Pinewood Hotel Shillong.
U National President jong ka NPP u Conrad K Sangma u la ai khublei ia ki nongtrei ka party BJP kiba la wan lang ban ai ka jingkyrshan ia ka NPP ha kane ka elekshon MP na 1-Shillong (ST) bad 2-Tura (ST) Parliamentary Constituency.
Ki kyrtong ka NPP na Shillong ka Dr. Mazel Ampareen Lyngdoh bad na Tura ka Agatha Sangma kaba dei ka MP, u myntri rangbah ka jylla ai khublei ia ka jingiatreilang jong ki nongialam ka party BJP kum ka kynhun NDA.
